Er gumun ez eus meur a gilometrad gwenodennoù-bale d'ober anaoudegezh gant ar vro.

Gwenodennoù etre kumunioù (war droad, war varc'h, war velo).

Eus tri lec'h e c'haller loc'hañ adalek traonienn ar C'herruz : war-du bae ar C'hernig da dapout ar BH 347, dre Grec'houal, Kerderne, Pont-Pouloudoù, Kersabieg. War-du ar bourk dre Gerivin, ma vo gwelet moudenn-gastell Tournuz, ha war-du Ploueskad dre an hent don serzh a gas d'ar Gernevez. Evel ar voudenn-gastell, ez eo an hent-kev strizh-se, bevennet gant kleuzioù uhel-uhel enno mein a-leizh, unan eus an traoù koshañ a gaver e Gwinevez.

Gwenodenoù ar gumun (boukloù e-barzh ar gumun).

Adalek traonienn Pondarm, ez eus meur a hent evidoc'h : an hini a gas da Lokrist hag an hini a hed ar Rest o tremen dre Dromboz, Kergwall, ha Pilhag ; e Bretouare en em bak an div wenodenn-se, ha kas a reont da draezhennoù an Aod Vras ha d'he hir a ledennad traezh fin.

Cliquez sur le plan pour l'agrandir. Vous pouvez également l'imprimer