Ur gumun vuhezek a-ziwar ar maez eo Gwinevez. E Bro-Leon emañ, war aod norzh Penn-ar-bed. 2500 a annezidi a zo enni, war 4000 hektar.

Pouezus eo plas al labour-douar en ekonomiezh, dreist-holl ar produiñ legumaj (artichaod, brikoli, chalotez, ognon) hag ar sevel loened (moc'h, saout, lapined).

180 post-labour zo er gumun gant embregerezhioù ha stalioù Gwinevez. Anavezet eo ivez ar gumun gant ar buhezek m'eo he c'hevredigezhioù, rak un tregont bennak a gevredigezhioù a denn d'ar sevenadur, d'ar sport ha d'ar skolioù... a gaver enni.

Douret eo Gwinevez gant peder gwazh-dour hag a droidell war he douar, o kleuzañ traoñiennoù kaer. Gant an hentoù-bale e c'halloc'h mont, etre an douar hag ar mor, d'ober anaoudegezh gant hor bro hag he glad.